Asterium kriptobirjasi ommaviy taklifi

Umumiy qoidalar

 

Ushbu hujjat Oʻzbekiston Respublikasi Istiqbolli loyihalar milliy agentligi tomonidan berilgan kripto-birja faoliyatini amalga oshirish litsenziyasiga ega boʻlgan “ASTERIUM” MChJning ommaviy ofertasi boʻlib, kriptoaktivlar savdosini tashkil etish boʻyicha xizmatlar koʻrsatish boʻyicha shartnomaning barcha muhim shartlarini oʻz ichiga oladi.

 

O‘zbekiston Respublikasi Fuqarolik Kodeksining 369-moddasiga muvofiq, quyida ko‘rsatilgan shartlar qabul qilinganda va ushbu oferta elektron platformada ro‘yxatdan o‘tish yo‘li bilan qabul qilingan taqdirda jismoniy yoki yuridik shaxs Foydalanuvchiga, “ASTERIUM” MChJ va Foydalanuvchi birgalikda mazkur shartnomaning Tomonlariga aylanadi. O‘zbekiston Respublikasi Fuqarolik Kodeksining 364, 370-moddalariga muvofiq, shartnoma veb-saytda ro‘yxatdan o‘tkazilganda vaqtdan boshlab tuzilgan hisoblanadi. 1-bo‘limda sanab o‘tilgan hujjatlar va ma’lumotlarni taqdim etish ushbu ommaviy oferta shartlariga to‘liq va so‘zsiz rozilikni tasdiqlaydi.

Akseptni amalga oshirgan foydalanuvchi ushbu ommaviy ofertaning barcha shartlari bilan tanishgan va rozi bo‘lgan, shuning bilan O‘zbekiston Respublikasi Fuqarolik kodeksining 366, 370-moddalariga muvofiq shartnoma yozma shaklda tuzilgan hisoblanadi.

 

Foydalaniladigan atama va ta`riflar

 

Platforma operatori – “ASTERIUM” MChJ, Oʻzbekiston Respublikasi qonunchiligiga muvofiq roʻyxatdan oʻtgan, kriptoaktivlar bilan operatsiyalarni amalga oshirish boʻyicha onlayn platforma xizmatlarini koʻrsatuvchi yuridik shaxs.

Platforma – kripto-aktivlar, jumladan sayt, mobil ilovalar, dasturiy interfeyslar va Savdo tizimini tashkil etish uchun moʻljallangan ASTERIUM.UZ dasturiy va uskunaviy vositalar majmui.

Foydalanuvchi - saytda ro‘yxatdan o‘tish jarayoninidan o‘tgan va Platforma operatori xizmatlaridan foydalanish huquqini olgan jismoniy yoki yuridik shaxs.

Sayt (veb-sayt) - Platforma operatorining Internet-resursi, jumladan Platforma operatori manzilida foydalanish mumkin bo‘lgan uning dasturiy interfeyslari va mobil ilovalari.

Akkaunt - Foydalanuvchi to‘g‘risidagi ma’lumotlarni o‘z ichiga olgan va platformaning funksionalligiga kirishni ta’minlaydigan Foydalanuvchining saytdagi  shaxsiy hisob qaydlari.

Savdo tizimi - Savdo va buyurtmalarning mos kelishini ta’minlaydigan platforma operatorining uskunaviy-dasturiy majmui.

Kripto aktivlar - blokcheyn texnologiyasi asosida taqsimlangan axborot tizimida yaratilgan va qayd etiladigan raqamli aktivlar.

Buyurtmalarni moslashtirish platformasi - foydalanuvchi bitimlarini boshqa foydalanuvchilarning ochiq buyurtmalari bilan moslashtirish uchun avtomatlashtirilgan savdo tizimi.

Buyurtma - narx va hajmni ko‘rsatgan holda, foydalanuvchining kriptoaktivlarni sotib olish, sotish yoki almashtirish bo‘yicha bergan elektron so‘rovi.

Spot xizmatlar - kripto-aktivlarning bir turini boshqa turdagi kripto-aktivlarga to‘g‘ridan-to‘g‘ri almashish xizmatlari.

Qo‘shimcha xizmatlar - kripto-aktivlar yoki ulardan tashkil topgan indekslar bilan bog‘liq hosilaviy mahsulotlar bilan savdo qilish imkonini beruvchi xizmatlar.

Kripto-hamyon - kripto-aktivlarni saqlash va boshqarish uchun mo‘ljallangan dasturiy ta’minot yoki dasturiy -texnik vositalar.

Mablag‘lar - foydalanuvchiga tegishli bo‘lgan va uning hisobiga joylashtirilgan mablag‘lar va/yoki kripto-aktivlar.

Marja kreditlash - bu foydalanuvchilarga kripto-aktivlarni to‘lash shartlarida qarzga olish/qarzga berish imkonini beruvchi tengga-teng (P2P) kreditlash xizmati.

Marja - foydalanuvchi savdo pozitsiyasini ochish va saqlash uchun hissa qo‘shishi kerak bo‘lgan mablag‘lar.

Benefisiar mulkdor (yakuniy egasi) - pirovardida bevosita yoki bilvosita yuridik shaxsga egalik qiluvchi yoki uning harakatlarini nazorat qilish imkoniyatiga ega bo‘lgan jismoniy shaxs. 

Verifikatsiya - bu foydalanuvchining shaxsini va ular tomonidan taqdim etilgan ma’lumotlarni tekshirish tartibi.

Identifikatsiya - bu foydalanuvchi tomonidan taqdim etilgan ma’lumotlar asosida uning shaxsini aniqlash jarayoni.

Parollar - akkauntga  kirish uchun har qanday kalitlar, sertifikatlar, parollar, kirish kodlari, foydalanuvchi identifikatorlari yoki boshqa hisob ma’lumotlaridir.

Ichki nazorat (muvofiqlik) - Platforma operatori tomonidan kompaniya va uning foydalanuvchilari faoliyatining qonuniy talablarga,  jumladan jinoiy faoliyatdan olingan daromadlarni legallashtirishga qarshi kurashish sohasida bajarilishini ta’minlash uchun ko‘riladigan chora-tadbirlar va tartiblar tizimi.

AML dasturi - bu platformadan jinoiy daromadlarni legallashtirish yoki terrorizmni moliyalashtirish maqsadlarida foydalanishning oldini olish uchun Platforma operatori tomonidan ko‘riladigan chora-tadbirlar majmuidir.

Bloklash (to‘xtatib turish) - bu foydalanuvchining akkaunt va/yoki pul mablag‘larini boshqarish huquqini vaqtinchalik cheklash.

Pul mablag‘larini muzlatish - bu foydalanuvchining akkauntida  joylashgan mablag‘lar yoki kripto-aktivlar bilan bo‘ladigan operatsiyalarini to‘xtatib turish.

Pul mablag‘larini kiritish - bu foydalanuvchi akkauntidagi hamyonlarni mablag‘lar yoki kripto-aktivlar bilan to‘ldirish jarayoni.

Pul mablag‘larini chiqarish - bu foydalanuvchi hisobidagi hamyonlardan pul mablag‘lari yoki kripto aktivlarini tashqi hisoblarga yoki hamyonlarga o‘tkazish jarayoni.

Mahalliy hujjatlar - bu xizmatlarni taqdim etish tartibini tartibga soluvchi va Foydalanuvchilar tomonidan ko‘rib chiqilishi mumkin bo‘lgan Platforma operatorining ichki hujjatlari.

Maxfiylik siyosati - bu foydalanuvchi haqidagi ma’lumotlarni to‘plash, saqlash, qayta ishlash va uzatish tartibini belgilaydigan hujjat.

Komissiya - bu Platforma operatori tomonidan ko‘rsatiladigan xizmatlar uchun to‘lov bo‘lib, uning miqdori kompaniyaning tarif siyosatiga muvofiq belgilanadi.

Shartlar (ommaviy oferta) - bu Platforma operatorining sayt va xizmatlaridan foydalanish qoidalarini belgilovchi hujjat.

Aksept - Saytda ro‘yxatdan o‘tishda ifodalangan ushbu ommaviy oferta shartlarini Foydalanuvchi tomonidan to‘liq va so‘zsiz qabul qilish.

 

 

1. Foydalanuvchilarga qo‘yiladigan talablar va cheklovlar

 

1.1. Bizning xizmatlarimizdan faqat 18 yoshga to‘lgan shaxslar foydalanishlari mumkin. Saytdan foydalanish orqali siz yosh chegarasiga mos kelishingizni va ilgari bloklanmagan yoki bizning xizmatimiz foydalanuvchilari hisobidan chiqarib tashlanmaganligingizni tasdiqlaysiz.

Shuningdek, siz vakillik qilayotgan yuridik shaxs ustidan muhim nazoratga ega boʻlgan mulkdorlaringiz va/yoki shaxslar (agar siz yuridik shaxs boʻlsangiz) BMTning sanksiyalar roʻyxatida emasligingizga va Yevropa Ittifoqi, Oʻzbekiston Respublikasi Markaziy banki, Oʻzbekiston Respublikasi Davlat bojxona qoʻmitasi, Xorijiy aktivlarni nazorat qilish boshqarmasi va boshqa maʼmuriy idoralar tomonidan savdo faoliyatida cheklovlar yoʻqligiga, jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurolini tarqatishni moliyalashtirishga qarshi kurashish to‘g‘risidagi qonun hujjatlariga muvofiq terrorchilik faoliyati yoki ommaviy qirg‘in qurolini tarqatishda ishtirok etgan yoki ishtirok etishda gumon qilingan shaxslar ro‘yxatiga kiritilgan shaxslar hisoblanmasligiga kafolat berasiz.

 

1.2. Platforma operatori o‘z faoliyatining geografiyasini mustaqil ravishda belgilash huquqini o‘zida saqlab qoladi va o‘z xohishiga ko‘ra xizmatlardan foydalanishni cheklashi yoki muayyan mamlakatlardagi Foydalanuvchilarga ularni taqdim etishdan butunlay voz kechishi mumkin. Agar siz ushbu shartga rozi bo‘lmasangiz, xizmatlarimizdan foydalanishdan voz kechishingizni so‘raymiz.

 

1.3. Saytda ro‘yxatdan o‘tish orqali siz quyidagi hujjatlarni taqdim etishga rozilik bildirasiz:

1.3.1. Jismoniy shaxslar uchun: shaxsni tasdiqlovchi hujjat nusxasi, shaxsiy identifikatsiya raqami (O‘zbekiston Respublikasi rezidentlari uchun)

1.3.2. Yakka tartibdagi tadbirkorlar uchun: shaxsni tasdiqlovchi hujjat nusxasi, davlat ro‘yxatidan o‘tkazilganligi to‘g‘risidagi guvohnoma nusxasi

1.3.3. Yuridik shaxslar uchun: davlat roʻyxatidan oʻtkazilganligi toʻgʻrisidagi guvohnomaning nusxasi, joylashgan joyi va boshqaruvi toʻgʻrisidagi maʼlumotlar, taʼsis hujjatlaridagi maʼlumotlar, jismoniy shaxs- taʼsischilarning pasport maʼlumotlari yoki yuridik shaxs- taʼsischilarning taʼsis hujjatlari, shuningdek, Platforma operatorining mahalliy hujjatlarida belgilangan boshqa hujjatlar.

1.3.4. Siz bilan bog‘lanishimizga imkon beruvchi aloqa ma’lumotlari (elektron pochta manzili va boshqa aloqa ma’lumotlari);

1.3.5. Qonun hujjatlarida nazarda tutilgan boshqa ma’lumotlar, jumladan jinoyatdan olingan daromadlarni legallashtirishga, terrorizmni moliyalashtirishga va ommaviy qirg‘in qurollarini tarqatishni moliyalashtirishga qarshi kurashish sohasidagi.

 

1.4. Siz taqdim etgan ma’lumotlar va hujjatlarni tekshirgandan so‘ng, Platforma operatori sizning platformada ro‘yxatdan o‘tishingizni tasdiqlash yoki rad etish huquqini o‘zida saqlab qoladi.

 

 

2. Xizmatlar tavsifi

 

2.1. Platforma operatori savdo ishtirokchilariga kripto-aktivlarni sotib olish, sotish va (yoki) almashishga qaratilgan harakatlarni amalga oshirish uchun onlayn-maydonni taqdim etadi.

 

2.2. Platforma operatori kripto-aktivlar savdosida savdo ishtirokchisi sifatida ishtirok etish huquqiga ega.

 

2.3. Platforma operatori platforma provayderi sifatida foydalanuvchiga quyidagi xizmatlarni taqdim etadi:

2.3.1. Foydalanuvchining tegishli buyurtmalarini mustaqil ravishda topadigan va biriktiradigan kriptovalyutalar uchun avtomatlashtirilgan savdo tizimini taqdim etadi:

• spot xizmatlari kripto-aktivlarning bir turini boshqa turdagi kripto-aktivlarga almashtirish imkonini beradi. Siz ma`lum bir Foydalanuvchini oldindan belgilay olmaysiz yoki u bilan shartnoma tuza olmaysiz. Xuddi shunday, buyurtma qisman bajarilishi yoki turli foydalanuvchilarning bir nechta mos keladigan buyurtmalari bilan amalga oshirilishi mumkin.
• qo‘shimcha xizmatlar kripto-aktivlar yoki ulardan tashkil topgan indekslar bilan bog‘liq hosilaviy mahsulotlar bilan savdo qilish imkonini beradi. Bunday bitimlar avtomatik ravishda va oldindan belgilangan mezonlarga muvofiq foydalanuvchi bitimlarini boshqa foydalanuvchilarning ochiq buyurtmalari bilan mos keladigan buyurtmalarni moslashtirish platformasi orqali amalga oshiriladi. Siz ma`lum bir Foydalanuvchini oldindan belgilay olmaysiz yoki u bilan shartnoma tuza olmaysiz.

2.3.2. O‘zbekiston Respublikasi rezidentlari Platforma operatorining elektron platformasida quyidagilarni amalga oshirish huquqiga ega:

• to‘g‘ridan-to‘g‘ri savdo maydonchasida kripto-aktivlarni sotib olish va sotish bo‘yicha operatsiyalarni o‘z ichiga olgan milliy valyutadagi kriptoaktivlarning barcha turdagi savdolari;
• O‘zbekiston Respublikasi norezidentlari bilan faqat kriptoaktivlarni chet el valyutasiga sotish bo‘yicha operatsiyalar.

2.3.3. Marja krediti - bu foydalanuvchilarga kripto-aktivlarni Platforma operatoridan foizlar bilan qaytarish shartlarida qarzga olish/qarzga berish imkonini beruvchi xizmatdir.

2.3.4. Kripto-hamyon kripto-aktivlarni saqlash va boshqarish uchun mo‘ljallangan dasturiy  yoki dasturiy texnik vositadir. Platforma operatorining buyurtmani moslashtirish platformasi orqali siz tomonidan depozitga qoʻyilgan yoki sotib olingan kripto-aktivlar Platforma operatori sizning nomingizdan saqlaydigan Platforma operatorining kripto-hamyonida saqlanadi. Platforma operatori kripto aktivlarini sotib olish va/yoki tasarruf etishni osonlashtirish va tezlashtirish uchun ushbu xizmatni taklif qiladi. Platforma operatori sizning nomingizdan bunday kripto-aktivlarni ushlab turuvchi hisoblanadi va sizni kripto hamyoningizda saqlangan har qanday kripto- aktivlarning benefitsiar egasi sifatida tan oladi. Platforma operatori sizning kripto aktivlaringizdan garov sifatida foydalanmaydi yoki kripto aktivlaringizdan qonuniy ko‘rsatmalaringizsiz va oldindan ruxsatingizni olmasdan  hech qanday tarzda foydalanmaydi.

2.3.5. Sotib olish obyekti sifatida kripto-aktivlarni tanlash va shunga mos ravishda bu tanlovning oqibatlari Foydalanuvchining o‘z tavakkalchiligi sanaladi.

 

 

3. Xatarlar to‘g‘risida ma’lumotlar

 

3.1. Kripto-aktivlar  savdosi  katta xavfni o‘z ichiga oladi. Foydalanuvchi kripto-aktivlar evaziga berilgan mablag‘lar va boshqa fuqarolik huquqlaridan to‘liq mahrum bo‘lishi mumkin,  jumladan kriptoaktivlar qiymatining o‘zgaruvchanligi, texnik nosozliklar, uchinchi shaxslarning noqonuniy harakatlari,  jumladan o‘g‘irlik natijasida.

 

3.2. Muhim: kriptoaktivlar davlat tomonidan kafolatlanmagan va O‘zbekiston Respublikasida to‘lov vositasi hisoblanmaydi.

 

3.3. Platforma operatori kripto-aktivlar savdo bozorimiz tartibli va barqaror bo‘lishiga kafolat bermaydi. Kripto-aktivlar (shuningdek, boshqa aktivlar) bilan savdo qilishda ehtiyotkorona bo‘lishingiz kerak. Narxlar har qanday vaqtda har qanday sababga ko‘ra o‘zgarishi mumkin. Bunday narxlarning o‘zgarishi tufayli siz istalgan vaqtda aktivlaringiz qiymatini oshirishingiz yoki kamaytirishingiz mumkin.

 

3.4. Har qanday kripto-aktiv yoki savdo pozitsiyasi qiymatning katta o‘zgarishiga duchor bo‘lishi mumkin va  bu hatto foydasiz bo‘lishi mumkin.

 

3.5. Foydalanuvchi o‘zining aybi yoki xatosi tufayli yuzaga keladigan har qanday yo‘qotishlar uchun javobgar bo‘ladi, jumladan, lekin ular bilan cheklanmagan holda: operatsiyalarni o‘tkazish tartibiga rioya qilmaslik, savdo operatsiyalarini o‘z vaqtida o‘tkazmaslik, parolni unutish yoki  yoki oshkor  bo‘lishi, parollarning buzilishi va/yoki Foydalanuvchi kompyuterining boshqalar tomonidan qo‘lga olinishi yoki unga  buzib kirilishi.

 

3.6. Savdo qoidalarida foydalanuvchini nohaq boyitadigan mumkin bo‘lgan bo‘shliq yuzaga kelsa, foydani undirish uchun Foydalanuvchi bilan bog‘lanamiz.

 

3.7. Foydalanuvchi samarali hamkorlik qilishi kerak, aks holda Platforma Operatori chora ko‘rishga, jumladan, hisob bo‘yicha operatsiyalarni cheklash, hisobdagi mablag‘larni muzlatish, Foydalanuvchini sudda ta’qib qilish va boshqa regress choralarini ko‘rish huquqiga ega. Foydalanuvchi hamkorlik qilmagan taqdirda, foydalanuvchi regress xarajatlarini ham o‘z zimmasiga oladi.

 

3.8. Qo‘shimcha xizmatlar qo‘shimcha xavf omillariga ega bo‘lishi mumkin. Shuni yodda tuting:

• siz o‘z pozitsiyangizni qo‘llab-quvvatlash uchun bizga qo‘yilgan dastlabki marja va har qanday qo‘shimcha kripto aktivlardan to‘liq mahrum bo‘lishingiz mumkin;
• agar bozor sizning pozitsiyangizga qarshi harakat qilsa yoki marja darajalari oshsa, o‘z pozitsiyangizni saqlab qolish uchun sizdan qisqa vaqt ichida qo‘shimcha kripto-aktivlarini o‘tkazish talab qilinishi mumkin;
• agar siz belgilangan muddat ichida hisobingizga qoʻshimcha kriptoaktivlarni oʻtkazish boʻyicha soʻrovni bajarmasangiz, biz oʻz ixtiyorimizga koʻra har qanday yoki barcha pozitsiyalaringizni yoʻqotish bilan tugatishimiz mumkin;
• foyda yoki zarar ko‘rishingiz, tegishli kriptoaktivning narxining o‘zgarishiga bog‘liq bo‘ladi.

 

 

4. Narxni belgilash va majburiyatlarni ijro etish tartibi

 

4.1. Narx va savdo tartibini belgilash

4.1.1. Kripto-aktivlarning narxi yetkazib beruvchilardan kotirovkalar oqimi (birja kotirovkalari) bo‘yicha olingan ma’lumotlar asosida va platformadagi bunday kripto-aktivlarga haqiqiy talab va taklifni hisobga olgan holda belgilanadi.

4.1.2. Savdolarda sotiladigan kripto-aktivlarning narxi savdo ishtirokchilari tomonidan ushbu kripto-aktivlarga bo‘lgan talab va taklifni hisobga olgan holda belgilanadi.

4.1.3. Foydalanuvchi akkauntda yaratilgan hamyonlar yordamida savdolarda ishtirok etish uchun operatsiyalarni amalga oshiradi, buyurtmalar yaratadi va boshqa harakatlarni bajaradi.

4.1.4. Platforma operatori foydalanuvchi hisobidagi hamyonlarni to‘ldirish va pul mablag‘larini olish uchun zarur bo‘lgan ma’lumotlarni ko‘rsatadi.

4.1.5. Akkauntdagi hamyonlarni to‘ldirish uchun Platforma operatori tomonidan ko‘rsatilgan rekvizitlardan foydalangan holda pul o‘tkazish kerak. Bunda Foydalanuvchi o‘tkazma bilan bog‘liq barcha komissiya va xizmat to‘lovlarini mustaqil ravishda to‘laydi, shuningdek, o‘tkazish vaqtida noto‘g‘ri ma’lumotlar ko‘rsatilishi xavfini o‘z zimmasiga oladi.

4.1.6. Platforma operatorining joriy hisobvarag‘iga yoki Foydalanuvchining elektron hamyoniga tegishli mablag‘lar kiritilgan paytda yoki foydalanuvchining virtual hamyonida tegishli yozuvlar aks ettirilgan paytdan boshlab hamyon Foydalanuvchi tomonidan to‘ldirilgan hisoblanadi.

4.1.7. Akkaunt hamyonlarida qayd etilgan har qanday mablag‘lar Foydalanuvchiga tegishli. Platforma operatori ushbu shartlar va Platforma operatorining boshqa mahalliy hujjatlarida nazarda tutilgan hollarda, foydalanuvchining buyrug‘isiz mablag‘larni muzlatish yoki hisobdan chiqarish huquqiga ega.

4.1.8. Pul mablag‘larini va (yoki) kripto-aktivlarni ( jumladan, ilgari hisoblangan kripto-aktivlarni qaytarish) yechib olish uchun Foydalanuvchi akkauntdagi shaklni to‘ldirishi kerak. Bunday holda, Foydalanuvchiga pulni chiqarishni tasdiqlash yoki rad etish zarurligi haqida xabar yuboriladi. Chiqarishdan bosh tortilgan holda yoki foydalanuvchi bunday operatsiyani tasdiqlamagan taqdirda, mablag‘lar yoki kripto-aktivlar hisobda qoladi. Foydalanuvchining hisobvarag‘idan mablag‘larni yechib olish, ushbu Shartlarda belgilangan cheklashlar bo‘lmagan taqdirda, yechib olish to‘g‘risidagi so‘rovni topshirish vaqtida ushbu mablag‘lar Akkaunt balansida qayd etilgan valyutada amalga oshiriladi. Pul mablag‘larini yechib olishda turli xildagi valyutalar o‘rtasida konvertatsiya amalga oshirilmaydi. 4.1.9. Pul mablag‘larini hisoblash (o‘tkazish) Foydalanuvchining ko‘rsatmasi bo‘yicha imkon qadar tezroq, lekin blokcheyn tizimlari, elektron hamyon tizimlari, bank muassasalari va pul mablag‘larini hisoblash (o‘tkazish) bog‘liq bo‘lgan boshqa shaxslarning ishlash xususiyatlarini hisobga olgan holda amalga oshiriladi. Zarur hollarda, ko‘rsatilgan hisoblanmalar (o‘tkazmalar) Platforma operatori tomonidan jinoyatdan olingan daromadlarni legallashtirishga, terrorchilik faoliyatini moliyalashtirishga va ommaviy qirg‘in qurollarini tarqatishni moliyalashtirishga yo‘l qo‘ymaslik choralari ko‘rilganidan keyingina amalga oshiriladi.

 

4.2. Foydalanuvchilarning majburiyatlari

4.2.1. Foydalanuvchilar quyidagi o‘z majburiyatlarini bajarishga majburdirlar:

• platforma operatori oldidagi;
• boshqa foydalanuvchilar oldidagi.

4.2.2. Platforma operatori oldidagi majburiyatlarini bajarish uchun  foydalanuvchilar :

• Foydalanuvchini ro‘yxatdan o‘tkazish, identifikatsiya qilish va tekshirish jarayonini yakunlash uchun Platforma operatorining mahalliy hujjatlariga muvofiq talab qilinadigan ma’lumotlarni taqdim etishi;
• Platforma operatorining iltimosiga ko‘ra qo‘shimcha ma’lumotlarni taqdim etish va qonun hujjatlari talablariga muvofiq savdo tizimining faoliyatini tashkil etish uchun zarur bo‘lgan harakatlarni amalga oshirishi zarur.

4.2.3. Boshqa Foydalanuvchilar oldidagi majburiyatlarni bajarish uchun foydalanuvchilar savdo tizimidagi o‘z akkauntida kerakli miqdordagi mablag‘ni taqdim etishlari shart. Akkauntlardan foydalanish tartibi mazkur ofertada belgilangan.

4.2.4. Foydalanuvchilarga shaxsiy xabarlar yoki Platforma operatori veb-saytining boshqa imkoniyatlaridan foydalangan holda savdo tizimidan tashqarida bitimlar tuzish taqiqlanadi. Bunday shaxsiy xabarlar avtomatik ravishda Platforma operatoriga ochiq bo‘ladi.

4.2.5. Foydalanuvchilar savdo tizimidan Platforma operatorining mahalliy qoidalarida nazarda tutilganidan boshqacha tarzda foydalanishlari mumkin emas. Foydalanuvchilar Platforma Operatorining veb-saytida reklama joylashtirishlari mumkin emas, ammo Platforma Operatori bilan tuzilgan shartnomada nazarda tutilgan hollar bundan mustasno.

4.2.6. Foydalanuvchilar savdo tizimidan hech qanday noqonuniy maqsadlarda,  jumladan, jinoyatdan olingan daromadlarni legallashtirishda foydalanishlari mumkin emas.

 

 

5. Akkaunt

 

5.1. Ro‘yxatdan o‘tish va verifkatsiya

5.1.1. Veb-saytda hisob qaydnomasini ro‘yxatdan o‘tkazish orqali siz shaxsni tasdiqlash uchun so‘ralgan shaxsiy ma’lumotlarni taqdim etishga rozilik berasiz. Ushbu ma’lumotlar Platformada pul yuvish, terrorizmni moliyalashtirish, firibgarlik va boshqa moliyaviy jinoyatlarni aniqlash uchun maxsus foydalaniladi. Verikatsiya  jarayoni sizning shaxsingiz taqdim etilgan hujjatlarga mos kelishini tasdiqlash uchun yuzingiz fotosurati va/yoki real vaqt rejimida suratga olish koʻrinishidagi biometrik identifikatsiyani oʻz ichiga oladi. Biz ushbu ma’lumotlarni e’lon qilingan maxfiylik bayonotiga muvofiq to‘playmiz, foydalanamiz va baham ko‘ramiz.

5.1.2. Ushbu ma’lumotni taqdim etishdan tashqari, global sanoat ma’lumotlarini saqlash standartlariga rioya qilishni osonlashtirish uchun siz hisobingizning davomiyligi va hisob o‘chirilganidan keyin 5 yil davomida bunday ma’lumotlarning rekordini saqlashga ruxsat berishga rozilik bildirasiz. Shuningdek, siz bizga shaxsingizni tasdiqlash yoki sizni va/yoki bizni firibgarlik kabi moliyaviy jinoyatlardan himoya qilish uchun zarur deb topilgan so‘rovlarni to‘g‘ridan-to‘g‘ri yoki uchinchi shaxslar orqali yuborishga ruxsat berasiz. 

5.1.3. Biz soʻragan shaxsni tasdiqlash maʼlumotlari quyidagilarni oʻz ichiga olishi mumkin, lekin ular bilan cheklanmaydi: ismingiz, elektron pochta manzilingiz, aloqa maʼlumotlaringiz, telefon raqamingiz, Foydalanuvchi nomi, davlat tomonidan berilgan identifikatsiya maʼlumotlari, tugʻilgan sana, jumladan suhbatlarning audio yoki video yozuvlari,  jumladan yozishmalar yozuvlari va akkauntni roʻyxatdan oʻtkazish paytida toʻplangan boshqa maʼlumotlar. Ushbu kerakli ma’lumotlarni taqdim etish orqali siz uning aniq va ishonchli ekanligini tasdiqlaysiz. Ro‘yxatdan o‘tgandan so‘ng, siz ma’lumotlarning to‘g‘ri, to‘liq va har qanday o‘zgarishlar bo‘lganda o‘z vaqtida yangilanganligiga kafolat berasiz. Agar siz taqdim etgan har qanday maʼlumot notoʻgʻri, ishonchsiz, eskirgan yoki toʻliq boʻlmaganligiga asosli shubha tugʻilsa, Platforma operatori sizga tuzatishni soʻrab bildirishnoma yuborishga, tegishli maʼlumotlarni bevosita olib tashlashga va vaziyatga qarab xizmatlarning toʻliq yoki bir qismini taqdim etishni toʻxtatishga haqli. Platforma operatori xizmatidan foydalanish davomida yuzaga kelgan har qanday yo‘qotishlar yoki xarajatlar uchun agar siz bilan ko‘rsatilgan aloqa ma’lumotlari orqali bog‘lanish imkoni bo‘lmasa, faqat  o‘zingiz to‘liq javobgar bo‘lasiz. Bu bilan siz har qanday o‘zgarishlar yuz bergan taqdirda taqdim etilgan barcha ma’lumotlarni yangilash sizning majbiuriyatingiz ekanligini tan olasiz va rozilik bildirasiz.

5.1.4. Akkauntni ro‘yxatdan o‘tkazish orqali siz Platforma operatoriga sizning shaxsingizni tasdiqlash yoki sizni va/yoki Platforma operatorini firibgarlik yoki boshqa moliyaviy jinoyatlardan himoya qilish uchun zarur deb hisoblagan so‘rov yuborishni to‘g‘ridan-to‘g‘ri yoki uchinchi shaxslar orqali amalga oshirishga va Platforma Operatori bunday tekshiruvlar natijalariga ko‘ra asosli ravishda zarur deb hisoblagan choralarni ko‘rishga ruxsat berasiz, shuningdek, siz shaxsiy ma’lumotlaringiz kredit ma’lumot agentliklari, firibgarlik va moliyaviy jinoyatlarning oldini olish agentliklariga oshkor etilishi va ushbu agentliklar bizning so‘rovlarimizga to‘liq javob berishi mumkinligini tan olasiz va rozilik bildirasiz. 

5.1.5. Foydalanuvchi foydalanuvchining shaxsini tasdiqlovchi ma’lumotlarni taqdim etishni, jumladan biometrik identifikatsiya qilish protsedurasidan o‘tishni va Platforma operatori tomonidan ichki nazorat (muvofiqlik) choralari va AML dasturi talablariga muvofiq so‘ralgan maxfiy ma’lumotlarni taqdim etishni rad etishga haqli emas. So‘ralgan ma’lumotni taqdim etmaslik, noto‘g‘ri ma’lumotlarni taqdim etish yoki ilgari taqdim etilgan ma’lumotlarni,  jumladan maxfiy ma’lumotlarni bekor qilish, Platforma operatorining mahalliy hujjatlarida belgilangan barcha identifikatsiya va tekshirish talablari bajarilgunga qadar Foydalanuvchining hisobidagi mablag‘larni bloklash (to‘xtatib turish) va/yoki muzlatish uchun asos bo‘ladi.

 

5.2. Akkaunt himoyasi

5.2.1. Foydalanuvchi hech kimga o‘z akkauntidan foydalanishiga yoki uni boshqarishiga, shuningdek o‘zgarishlar to‘g‘risidagi ma’lumotlarni yangilashga yoki uning akkaunti buzilgan taqdirda ruxsat bermaslikka rozilik beradi.

5.2.2. Foydalanuvchi foydalanuvchiga taqdim etilgan yoki xizmatdan foydalanishi munosabati bilan yaratilgan har qanday kalitlarni, sertifikatlarni, parollarni, kirish kodlarini, Foydalanuvchi identifikatorlarini yoki boshqa hisobga olish ma’lumotlarini va login ma’lumotlarini (birgalikda nomlangan "parollar") saqlash va himoya qilish uchun javobgardir. Agar foydalanuvchi o‘z parollarini yo‘qotsa, foydalanuvchi o‘z akkauntiga kira olmaydi.

5.2.3. Siz parollaringizdan ruxsatsiz foydalanilganligi haqida darhol Platforma operatorini xabardor qilishga rozilik bildirasiz. Platforma operatori parollaringizdan ruxsatsiz foydalanish natijasida kelib chiqadigan har qanday majburiyatlar, yo‘qotishlar yoki zararlar uchun javobgar bo‘lmaydi. Platforma operatori onlayn savdo maydonchasi bo‘lib, xavfsizlikka bo‘lgan potensial tahdidlarning oldini olish uchun - login paroli, administrator paroli va boshqa parollar bir xil bo‘lmasligi kerak. Tegishli javobgarlik Foydalanuvchilar zimmasida. Foydalanuvchi roʻyxatdan oʻtib, sayt foydalanuvchisiga aylanganidan soʻng, u Foydalanuvchi nomi (Foydalanuvchining pochta qutisi) va parolni oladi hamda tizimga kirgandan soʻng ushbu Foydalanuvchi nomi va parol bilan qilingan barcha harakatlar va hodisalar uchun javobgar boʻladi hamda ushbu Foydalanuvchi nomidan foydalanishda tili va xatti-harakatlaridan bevosita yoki bilvosita kelib chiqqan barcha yuridik javobgarlikni oʻz zimmasiga oladi.

 

5.3. Parolni tiklash

5.3.1. Parolni yo‘qotgan foydalanuvchilar uni ro‘yxatdan o‘tgan elektron pochta manzillari yoki telefon raqamlari bilan tasdiqlaganidan keyin uni qayta tiklashlari mumkin. Sanksiyalanmagan operatsiyalar yoki xavfsizlik buzilishi aniqlansa, darhol Platforma operatorini xabardor qilishingiz kerak.

 

5.4. Akkaunt balansi

5.4.1.Akkauntda ijobiy qoldiq bo‘lsa, Foydalanuvchi mavjud kripto-aktivlarini olib qo‘yish uchun so‘rov yuborishi mumkin. Platforma quyidagi hollarda kripto-aktivlarni (to‘liq yoki qisman) chiqarishni rad etishga haqli:

• ochiq derivativ pozitsiyalar bo‘yicha yo‘qotishlar qayd etilganda;
• ochiq derivativ pozitsiyalar bo‘yicha marja talablarini qondirish uchun qo‘shimcha kripto-aktivlarni zaxiralash kerak bo‘lganda;
• Foydalanuvchining ushbu Shartlarga muvofiq Platforma oldida qarzi borligida;
• ushbu Shartlar bo‘yicha tomonlar o‘rtasida hal qilinmagan nizo mavjud bo‘lsa.

 

5.5. Akkauntni faolsizlantirish

5.5.1. Akkauntni istalgan vaqtda faolsizlantirish mumkin. Akkauntni faolsizlantirish hisobni o‘chirish sanasidan oldin paydo bo‘lgan huquq va majburiyatlarga ta’sir qilmaydi. Sizdan barcha ochiq buyurtmalarni bekor qilishingiz yoki bajarishingiz va ushbu Xizmat shartlari qoidalariga rioya qilgan holda, hisobingizda qolgan har qanday fiat valyutasi va/yoki kripto-aktivlarini qayerga o‘tkazish bo‘yicha ko‘rsatmalar berishingiz talab qilinishi mumkin.

5.5.2. Hisob qaydlaringizni oʻchirish bilan bogʻliq har qanday ushlanmalar, yig‘imlar, xarajatlar, toʻlovlar yoki majburiyatlar (jumladan, cheklanmagan holda yuridik va sud xarajatlari yoki fiat valyutasi yoki kripto-aktivlarni oʻtkazish xarajatlari) uchun siz javobgarsiz. Agar hisobingizni o‘chirish xarajatlari hisobingiz qiymatidan oshib ketgan bo‘lsa, bizga qoplash uchun siz javobgar bo‘lasiz.

5.5.3. Har qanday toʻlovni toʻlamaslik yoki AML dasturimiz bilan bogʻliq tekshiruvlardan qochish uchun hisoblaringizdan birini oʻchirib qoʻyishingiz mumkin emas.

 

5.6. Akkaunt faoliyatini to‘xtatib turish

5.6.1. Siz Platforma Operatori istalgan vaqtda hisobingizni va siz vakili yoki vakolatli imzolovchisi boʻlgan har qanday hisob qaydnomangiz faoliyatini toʻxtatib qoʻyish huquqiga ega ekanligingizga rozilik bildirasiz va tan olasiz. Bundan tashqari, Platforma Operatori barcha bunday hisoblardagi mablag‘lar va aktivlarni muzlatib qo‘yishiga/bloklanishiga va agar biz o‘z ixtiyorimizga ko‘ra bunday hisoblar quyidagi qoidalar buzilsa, saytga kirishingizni to‘xtatib qo‘yishiga rozilik bildirasiz:

• Platforma operatorining shartlari;
• har qanday amaldagi qonunlar yoki qoidalar;
• Platforma operatorining AML dasturi;
• me’yoriy talab, sud buyrug‘i, joriy sud chaqiruv qog‘ozi;
• hisob har qanday kutilayotgan sud muhokamasi, tergov yoki davlat ishining predmeti bo‘lgan hisob qaydnomasi bo‘lsa yoki unga tegishli bo‘lsa;
• hisobda har qanday sababga ko‘ra solishtirish kerak bo‘lgan qoldiq mavjud bo‘lsa;
• agar biz ruxsatsiz shaxs sizning hisobingizga kirishga harakat qilmoqda deb hisoblasak;
• agar siz o‘z hisob ma’lumotlaringizdan yoki boshqa hisob ma’lumotlaridan ruxsatsiz yoki noto‘g‘ri foydalanayapsiz deb hisoblasak.

5.6.2. Agar biz o‘z ixtiyorimizga ko‘ra, har qanday bunday akkaunt xatti-harakatlar qoidalarini buzgan deb gumon qilsak, sizning hisobingiz va unga bog‘liq bo‘lgan har qanday hisobni darhol tekshirish huquqiga ega ekanligimizga rozilik bildirasiz va tan olasiz.

 

 

6. Foydalanuvchining huquqlari va foydalanish cheklovlari

 

6.1. Biz sizga cheklangan, eksklyuziv bo‘lmagan, o‘tkazilmaydigan litsenziyani, shartlarga rioya qilgan holda, veb-saytimizga va xizmatlarimizga faqat biz ruxsat bergan maqsadlarda kirish va ulardan foydalanish uchun taqdim etamiz. Siz nusxa ko‘chirmasligingiz, o‘tkazmasligingiz, tarqatmasligingiz, sotmasligingiz, litsenziyalamasligingiz, qayta loyihalamasligingiz, o‘zgartirmasligingiz, nashr etmasligingiz yoki o‘tkazish yoki sotishda ishtirok etmasligingiz, hosilaviy ishlarni yaratmasligingiz yoki biron bir tarzda mahsulot va xizmatlarimizdan foydalanmasligingizga rozilik bildirasiz.

 

6.2. Siz quyidagilarga rozisiz:

• xizmat va tegishli dasturiy ta’minot, veb-sayt va texnologiyalarga bo‘lgan barcha huquqlar, egalik huquqi va manfaatlar, jumladan barcha intellektual mulk huquqlari Platforma Operatoriga tegishli bo‘lib qoladi;
• ushbu Shartnomada berilgan cheklangan litsenziyalardan tashqari, xizmatga yoki unga bo‘lgan huquq yoki manfaatlar o‘tkazilmaydi;
• xizmatlar mualliflik huquqi va boshqa intellektual mulk qonunchiligi bilan himoyalangan;
• ushbu shartlarda aniq berilmagan barcha huquqlar himoyalangan.

 

6.3. Platforma operatori har qanday tegishli adliya organlari, maʼmuriy tashkilotlar va harbiy tashkilotlar,  jumladan, lekin ular bilan cheklanmagan holda huquqni muhofaza qilish organlari, tartibga soluvchi organ, ichki xavfsizlik boʻlimi, sudlar, bojxona, soliq organlari va boshqalarning talablariga muvofiq Foydalanuvchining buyumlari va hisoblarini oldindan ogohlantirmasdan soʻrash, muzlatish yoki olib qoʻyish huquqiga ega.

 

6.4. Agar Foydalanuvchi Platforma Operatorining harakati yoki harakatsizligi tufayli uning huquqlari biron-bir tarzda buzilgan deb qaror qilgan taqdirda, u Platforma Operatori rahbariga tegishli bildirishnoma bilan, agar mavjud bo‘lsa, shikoyatini ko‘rib chiqish talabi bilan murojaat qilish huquqiga ega.

 

6.5. Bunday shikoyat kelib tushgan taqdirda, Platforma operatori kelib tushgan kundan boshlab 15 kalendar kun ichida uni ko‘rib chiqish va javob berish majburiyatini oladi.

 

6.6. Agar foydalanuvchi javobdan qoniqmasa, u o‘z huquqlarini himoya qilish uchun Foydalanuvchi joylashgan joydagi tegishli (fuqarolik/xo‘jalik) sudiga murojaat qilishga haqli.

 

 

7. Foydalanuvchining majburiyatlari

 

7.1. Foydalanuvchi hech qanday maqsadda bir nechta akkauntlarni ro‘yxatdan o‘tkazmaslik majburiyatini oladi. Agar bitta Foydalanuvchiga tegishli bir nechta akkaunt aniqlansa, undan faqat bittasini qoldirish so‘raladi, qolganlari o‘chiriladi.

 

7.2. Foydalanuvchilar boshqa foydalanuvchilarning hisob qaydlaridan foydalana olmaydi.

 

7.3. Oʻzbekiston Respublikasida kripto-aktivlar toʻlov vositasi boʻla olmaydi, bunga asoslanib, foydalanuvchilar ushbu veb-sayt yoki xizmatlardan ushbu veb-saytga zarar yetkazadigan yoki yetkazishi mumkin boʻlgan yoki ushbu veb-saytning mavjudligi yoki foydalanish imkoniyatiga putur yetkazadigan har qanday tarzda yoki har qanday noqonuniy to‘lov va pul mablag‘larini hisob-kitob qilish bilan bog‘liq holda, jumladan, lekin ular bilan cheklanmagan holda, noqonuniy yo‘llar bilan to‘lash, masalan, yolg‘on tranzaksiya, soxta narx, tranzaksiyani qaytarish va boshqalar; tashkilotning bank hisobvarag‘i orqali pul mablag‘larini naqdlashtirish bo‘yicha noqonuniy faoliyat; yuridik shaxsning joriy hisobvarag‘idan jismoniy shaxsning hisob raqamiga pul mablag‘larini noqonuniy o‘tkazish; amaldagi qonunlar va qoidalarga muvofiq noqonuniy cheklarni naqd qilish faoliyati yoki har qanday noqonuniy, firibgarlik yoki zararli faoliyat uchun foydalana olmaydi; Foydalanuvchilar Platforma Operatori va ularning mansabdor shaxslari, direktorlari, aksiyadorlari, avvalgi vakillari, vorislari, xodimlari, agentlari, sho‘ba korxonalari va filiallariga Foydalanuvchilarning ushbu veb-sayt yoki xizmatlardan foydalanishi sababli yoki ulardan kelib chiqqan uchinchi shaxslar tomonidan Platforma Operatoriga qarshi qo‘yilgan har qanday talablar, yo‘qotishlar, majburiyatlar, da’volar yoki xarajatlar (jumladan advokatlarning to‘lovlari) uchun tovon to‘lashga rozi bo‘ladilar. xizmatlar.

 

7.4. Foydalanuvchilarga noqonuniy faoliyat bilan shug‘ullanish uchun har qanday usulda saytdan foydalanishi taqiqlanadi. Platforma operatorining ruxsatisiz Foydalanuvchi ushbu sayt nomidan yoki biron-bir tarzda saytdan tijorat faoliyati uchun joy, platforma yoki vosita sifatida hech qanday tijorat faoliyatidan foydalanmasligi kerak.

 

7.5. Foydalanuvchilar barcha qonunlar va qoidalarga rioya qilishlari va sayt va xizmatlar bilan bog‘liq har qanday harakatlari uchun javobgarlik va huquqiy oqibatlarni o‘z zimmalariga olishlari zarur. Bundan tashqari, Foydalanuvchilar uchinchi shaxslarning qonuniy huquqlari va manfaatlarini buzmasligi kerak. Bundan tashqari, agar Platforma operatori sizning harakatlaringiz natijasida zarar ko‘rgan bo‘lsa, Platforma operatori foydalanuvchidan yetkazilgan zararni sud yoki boshqa usullar orqali undirish huquqiga ega.

 

7.6. Agar Foydalanuvchi yuqorida ko‘rsatilgan majburiyatlardan birini buzsa, Platforma operatori bevosita barcha zarur choralarni ko‘rishga, jumladan, lekin ular bilan cheklanmagan holda, Foydalanuvchi tomonidan joylashtirilgan kontentni o‘chirish, yulduzcha reytingini va mijozning mavqeini bekor qilish, Foydalanuvchi balansini muzlatish, Foydalanuvchining hisobini va noqonuniy daromadlarini to‘xtatib turish yoki hibsda  saqlash, shuningdek, qonuniy javobgarlikka tortish huquqiga ega.

 

7.7. Platformada roʻyxatdan oʻtish orqali Foydalanuvchi oʻz harakatlari oʻzi rezident boʻlgan mamlakat qonunchiligini, jumladan kripto-aktivlar va chet el valyutasi bilan bog‘liq operatsiyalarga nisbatam buzmasligini tasdiqlaydi va kafolatlaydi. Foydalanuvchi o‘z yurisdiksiyasining soliq, valyuta va boshqa tartibga soluvchi talablariga rioya qilish uchun to‘liq javobgarlikni o‘z zimmasiga oladi. Foydalanuvchi tomonidan o‘z mamlakati qonunchiligini buzish faktlari aniqlangan taqdirda, Platforma operatori bunday Foydalanuvchining akkauntini darhol bloklash va mavjud ma’lumotlarni vakolatli organlarga o‘tkazish huquqiga ega.

 

 

8. Komissiya

 

8.1. Biz taqdim etadigan ba’zi xizmatlar to‘lovga tortiladi. Xizmatlarimizdan foydalanish orqali siz Platforma operatori tomonidan belgilangan toʻlovlarni toʻlashga rozilik bildirasiz.

 

8.2. Platforma operatori narx siyosatini mustaqil ravishda belgilash va tuzatish huquqiga ega. Ilgari taqdim etilgan bepul xizmatlar uchun haq olishni boshlashimiz mumkin. Tariflarga kiritilgan har qanday o‘zgarishlar  veb-saytga joylashtirish orqali oldindan e’lon qilinadi.

 

8.3. Agar siz komissiya miqdoriga rozi bo‘lmasangiz, darhol xizmatdan foydalanishni to‘xtatishingiz kerak. Bunday holda, siz avvalroq qilingan xarajatlar uchun javobgar bo‘lasiz.

 

8.4. Agar boshqacha kelishuv bo‘lmasa, Foydalanuvchi biz avtomatik ravishda va qo‘shimcha ogohlantirishsiz komissiya to‘lovlarini to‘g‘ridan-to‘g‘ri Foydalanuvchi hisobidan yechib olish huquqiga ega ekanligimizga rozi bo‘ladi.

 

8.5. To‘lov kechiktirilgan yoki to‘liq to‘lanmagan taqdirda, biz xizmatlarni ko‘rsatishni to‘xtatib turish, cheklash yoki butunlay to‘xtatish huquqini o‘zimizda saqlab qolamiz.

 

 

9. Xizmatlarni o‘zgartirish va tugatish

 

9.1. Platforma operatori oldindan ogohlantirgan holda yoki ogohlantirmasdan xizmatlarni ko‘rsatishni o‘zgartirish, to‘xtatib turish yoki tugatish huquqiga ega.

 

9.2. Xizmatlar noto‘g‘ri ma’lumotlar taqdim etilgan, davlat organlarining shartlari, talablari buzilgan hollarda yoki xavfsizlik nuqtai nazaridan to‘xtatilishi mumkin.

 

9.3. Shartlarni buzganligi uchun ishtirokchilar ro‘yxatidan chiqarilgan foydalanuvchi chiqarib tashlangan kundan boshlab uch oy mobaynida savdolarda qatnashishi mumkin emas.

 

 

10. Mahalliy qonunlarga rioya qilish

 

10.1. Xizmatlarimizdan foydalanganda moliyaviy operatsiyalaringizdan kelib chiqadigan soliq majburiyatlari uchun faqat siz javobgarsiz. Bu soliqlarni hisoblash, ushlab qolish va tegishli davlat organlariga o‘tkazishni o‘z ichiga oladi.

 

10.2. Jinoiy faoliyatdan olingan daromadlarni legallashtirish va terrorizmni moliyalashtirishga qarshi kurashish borasidagi chora-tadbirlarimiz doirasida biz mahalliy hokimiyat va huquqni muhofaza qiluvchi idoralar bilan yaqindan hamkorlik qilamiz.

 

10.3. Xizmatlarimizni roʻyxatdan oʻtkazish va undan foydalanish orqali siz oʻz faoliyatingiz toʻliq qonuniy ekanligini va kripto- aktivlaringiz manbalari hech qanday noqonuniy faoliyat bilan bogʻliq emasligiga kafolat berasiz.

 

10.4. Biz sizning hisoblaringizni bloklash, cheklash yoki yopish, shuningdek fiat va kripto-aktivlari bilan bog‘liq operatsiyalarni o‘z ixtiyorimiz bilan yoki huquqni muhofaza qilish organlarining iltimosiga binoan istalgan vaqtda to‘xtatib qo‘yish huquqini saqlab qolamiz.

 

 

11. Maxfiylik siyosati

 

11.1. Foydalanuvchi Platforma Operatorining ma’lumotlarni to‘plash, foydalanish va uzatishni tartibga soluvchi maxfiylik siyosatiga rozilik bildiradi.

 

 

12. Zararni qoplash

 

12.1. Foydalanuvchi Platforma operatori va uning agentlarini uchinchi shaxslarning da’volarini  qoplash majburiyatini oladi, Platformaning o‘zi tomonidan shartlar buzilgan hollar bundan mustasno.Shuningdek,  Platforma operatori ham Foydalanuvchi tomonidan shartlar buzilgan hollardan tashqari hollarda  foydalanuvchiga  uchinchi shaxslarning da’volarini  qoplash majburiyatini oladi.

 

 

13. Javobgarlikni inkor etish

 

13.1. Tarmoq xizmati provayderi sifatida Platforma operatori Saytda taqdim etilgan ma’lumotlar va xizmatlar barcha Foydalanuvchilarning ehtiyojlarini to‘liq qondirishiga kafolat bermaydi. Biz veb-xizmatimizdan foydalanishda paydo bo‘lishi mumkin bo‘lgan haqoratli, tuhmat qiluvchi, odobsiz yoki boshqa nomaqbul materiallarni o‘z ichiga olgan uchinchi tomon kontenti uchun javobgar emasmiz.

 

13.2. Internetning tabiatiga ko‘ra, biz uzluksiz xizmat ko‘rsatish, uning xavfsizligi va o‘z vaqtida bajarilishini kafolatlay olmaymiz. Platforma operatori bizning harakatlarimiz tufayli yuzaga kelmaydigan nosozliklar va uzilishlar uchun javobgar emas.

 

13.3. Tarmoq xavfsizligiga kelsak, biz xavfsiz muhitni yaratishga harakat qilamiz, ammo sayt yoki serverlarda viruslar yoki boshqa zararli elementlarning butkul mavjud emasligiga kafolat bermaymiz. Foydalanuvchilar saytdan fayllarni yuklab olishda antivirus dasturidan foydalanishlari kerak.

 

13.4. Biz foydalanuvchi ma’lumotlarini saqlash, o‘zgartirish yoki o‘chirish bilan bog‘liq muammolar uchun javobgar emasmiz. Kompaniya, shuningdek, veb-saytdagi har qanday tasodifiy xatolar yoki xatoliklar uchun javobgarlikni o‘z zimmasiga olmaydi, garchi u istalgan vaqtda resursning istalgan qismidagi kamchiliklarni tuzatish huquqini (lekin majburiyatini emas) o‘zida saqlab qolsada.

 

13.5. Agar biz tomonimizdan yozma ravishda boshqacha kelishuv bo‘lmasa, biz platformadagi har qanday materiallarning, jumladan reklama va boshqa kontentning aniqligi, to‘liqligi yoki ishonchliligiga kafolat bermaymiz. Platforma operatori foydalanuvchi tomonidan sayt mazmuni asosida olingan mahsulotlar, xizmatlar yoki ma’lumotlar uchun javobgar emas. Foydalanuvchi sayt materiallaridan o‘z tavakkalchiligi ostida foydalanadi.

 

13.6. Foydalanuvchilarning sharhlari va izohlari faqat ularning shaxsiy fikrlarini ifodalaydi va Platforma Operatorining pozitsiyasini aks ettirmaydi. Biz ushbu fikrlarni tasdiqlamaymiz va foydalanuvchi sharhlarining mazmuni uchun qonuniy javobgar emasmiz.

 

13.7. Rasmiy bildirishnomalar veb-saytdagi rasmiy e’lonlar, elektron pochta, SMS, telefon qo‘ng‘iroqlari yoki oddiy pochta orqali yuboriladi. Biz norasmiy kanallar orqali olingan chegirmalar, sovrinlar yoki boshqa takliflar haqidagi maʼlumotlar uchun javobgar emasmiz.

 

13.8. Platforma operatori komissiyalar, tranzaksiya va boshqa toʻlovlar miqdorini bozor vaziyatiga muvofiq oʻzgartirish, shuningdek, oʻz xohishiga koʻra reklama kampaniyalarini muddatidan oldin toʻxtatish huquqini oʻzida saqlab qoladi.

 

 

14. Amaldagi qonunchilik

 

14.1. Shartlar va Sizning Xizmatlardan foydalanishingiz O‘zbekiston Respublikasi qonunlariga muvofiq tartibga solinadi va talqin qilinadi.

 

 

15. Nizolarni hal qilish tartibi

 

15.1. Siz ushbu Shartlardan kelib chiqadigan yoki Xizmat bilan bog‘liq har qanday nizo Foydalanuvchi joylashgan joydagi sud tomonidan ko‘rib chiqilishiga rozilik bildirasiz.

Bu qoidalar mualliflik huquqlari, tovar belgilari, firma nomlari, logotiplar, tijorat sirlari yoki patentlardan noqonuniy foydalanishda ayblangan tomonlardan birortasi yordam so‘ragan nizolarga taalluqli emas.

 

15.2. Tomonlar nizo yuzaga kelgandan keyin 30 kun ichida bir-birlarini xabardor qilishga va nizoni sudga borishdan oldin norasmiy tarzda hal qilishga harakat qilishga kelishib oladilar.

 

15.3. Nizoni ko‘rib chiqishda har bir tomon o‘z pozitsiyasini tasdiqlovchi dalillarni oshkor qilishi kerak.

 

15.4. Foydalanuvchi ushbu shartlardan kelib chiqadigan har qanday nizolar bo‘yicha jamoaviy harakatlarda ishtirok etish huquqidan voz kechadi, agar bunday huquq amaldagi qonun hujjatlarida nazarda tutilgan bo‘lsa. Foydalanuvchi, shuningdek, agar Platforma operatori sud jarayonining bir tomoni bo‘lsa, birlashtirilgan da’volarda boshqalarning vakili sifatida harakat qilmaslikka rozi bo‘ladi.

 

15.5. Jamoaviy harakatlarni taqiqlash amalga oshirilmagan deb topilgan taqdirda, ushbu qoida ushbu shartlardan chiqarib tashlangan deb hisoblanadi va nizolarni hal qilish bo‘yicha qolgan majburiyatlar to‘liq kuchda qoladi.

 

 

16. Yakuniy qoidalar

 

16.1. Agar shartnomaning biron bir qoidasi haqiqiy emas deb topilsa, bu qolgan qoidalarning yuridik kuchiga ta’sir qilmaydi.

 

16.2. Shikoyat, fikr-mulohaza yoki savollar bilan murojaat qilish uchun [email protected] manziliga identifikatsiya ma’lumotlari bilan murojaat qiling.

 

16.3. Ushbu shartlar tomonlarning ushbu shartnoma mazmuni bo‘yicha to‘liq tushunchasini belgilaydi va u bilan bog‘liq barcha oldingi kelishuvlar va xabarlarni bekor qiladi. Platforma operatoriga taqdim etilgan boshqa hujjatning ushbu Shartnomada ko‘rsatilgan shartlardan farq qiladigan, mos kelmaydigan yoki to‘ldiruvchi hech qanday shartlari yoki qoidalari tomonlar uchun majburiy bo‘lmaydi. Siz ushbu shartlar bilan bog‘liq holda Platforma operatoriga oshkor qilingan barcha ma’lumotlar to‘g‘ri, aniq va to‘liq ekanligini tasdiqlaysiz va kafolatlaysiz.

 

16.4. Platforma operatori ushbu ommaviy oferta va boshqa mahalliy hujjatlarga bir tomonlama tartibda o‘zgartirish va qo‘shimchalar kiritish huquqini o‘zida saqlab qoladi. Kiritilgan o‘zgarishlar to‘g‘risidagi xabar Operatorning veb-saytida joylashtiriladi. O‘zgartirishlar veb-saytda e’lon qilingan paytdan boshlab kuchga kiradi. O‘zgartirishlar kuchga kirgandan keyin Foydalanuvchining platforma xizmatlaridan foydalanishda davom etishi Foydalanuvchining bunday o‘zgartirish va qo‘shimchalarga roziligi hisoblanadi. Yangi shartlarga rozi bo‘lmagan taqdirda, foydalanuvchi o‘zgarishlar kuchga kirgunga qadar platformadan foydalanishni to‘xtatadi.

 

 

Toshkent sh.

 

“ASTERIUM” MChJ

O‘zbekiston Respublikasi, Toshkent sh., Bobur ko‘chasi, 34-uy

Joriy hisob: 2020 8000 2071 9832 6003 (UZS)

Joriy hisob: 2020 8840 3071 9832 6002 (USD)

“OCTOBANK” AJda MFO: 00980,

SWIFT: RVBKUZ22

STIR: 311 876 558, UIFT: 62090

 

 

Mazkur hujjat ASTERIUM MChJning intellektual mulki hisoblanadi. ASTERIUM MChJning yozma ruxsatisiz ushbu hujjatdan to‘liq yoki qisman nusxa ko‘chirish, tarqatish yoki foydalanish qonun bilan taqiqlanadi va jazoga tortiladi.

© «ASTERIUM» MChJ, 2025y.